Follybalster Marrit Jasper gjin Europeesk kampioen
De Nederlânske follybalsters binne der snein net yn slagge Europeesk kampioen te wurden. Mei Marrit Jasper fan Snits meastal op de bank wie Servië yn de finale te sterk foar Nederlân: 3-1.
Yn Azerbeidjan dêr't it kampioenskip hâlden waard, ferlear Nederlân de earste twa sets. De tredde set waard wol binnenhelle (25-18), mar de fjirde en úteinlik beslissende gie ferlern (25-18), wêrnei't Jasper en har ploechgenoaten harren tefreden stelle moasten mei it sulver.