Waterstad FM hellet stjoerders út de loft

21 augustus 2017, 12:04 • 1 minút lêstiid

Waterstad FM BV hellet de radiostjoerder Tukker FM en twa frekwinsjes fan dochterbedriuw RADIONL út de loft. It bedriuw kin net foldwaan oan de easken dy't steld wurde troch it Agentschap Telecom (AT). Waterstad FM hat de stjoerders kocht ûnder it betingst dat der 64 oant 68 prosint lokale muzyk útstjoerd wurdt.

Dat soe foar Tukker FM betsjutte dat der 7 oeren deis fuld wurde moat mei muzyk fan artysten dy't berne binne yn Oldenzaal. Ut ûndersyk ferline jier fan AT die bliken dat dit yn de praktyk mar 8 oant 15 prosint is. Der is noch wol besocht de persintaazjes te ferheegjen, mar dat is net slagge.

RADIONL hat noch besocht om tiid te rekken fia de rjochter, mar ferline wike waard dúdlik dat dit net slagge. Dêrom hat fergunninghâlder Waterstad FM besletten de fergunnings wer werom te jaan.

Earder binne al frekwinsjes fan RADIONL yn Wieringerwerf, Cuijk en Winterswijk útskeakele. Moandei wurdt de fergunning ynlevere en tiisdei geane de trije frekwinsjes út de loft.