Earepenning Tytsjerksteradiel foar Bart Helmholt

15 jul 2017 - 20:38
  • Loko-boargemaster Houkje Rijpstra
  • Bart Helmholt bliid mei eare-penning

Ald-fierljepper Bart Helmholt hat sneon de earepenning fan de gemeente Tytsjerksteradiel krige. Op it Keningsljeppen yn Burgum waard de wedstriid efkes stillein en waard de ferhearde Helmholt nei foaren roppen troch loko-boargemaster Houkje Rijpstra. De gemeente kent de earepenning net faak ta. Dit is pas de tolfde kear en de earste kear dat in sporter him kriget. Helmholt seit dat er tige fereare is mei de earepenning fan de gemeente Tytsjerksteradiel. 

Helmholt is ferline jier ophâlden mei topljeppen. Hy is no fierljepcoach. Hy krige earder ek al de oeuvrepriis fan de provinsje Fryslân.

Trefwurden: 
Bart Helmholt fierljeppen
(advertinsje)