Boargemaster Apotheker herkent krityk op plysje Snits net

Boargemaster Hayo Apotheker fan Súdwest-Fryslân herkent him net yn it byld dat kriminelen frij spul ha yn Snits. Ut ûndersyk fan de plysje-akademy blykt dat plysjeteams faak neat dwaan kinne oan kriminele aktiviteiten. Ek yn Snits seit it plysjeteam dat meidie oan de enkête dat de organisearre misdied frij spul hat. Dit soe te meitsjen ha mei de eveneminten sa as de Snitswike, dêr't in soad plysjes op ynset wurde.