Lytsere útwreiding asylsikerssintrum yn Burgum
De útwreiding fan it asylsikerssintrum yn Burgum wurdt minder grut as earder de bedoeling wie. Yn it hiele lân slute asylsikerssintra, omdat it totaal oantal asylsikers flink ôfnommen is. Mear as de helte fan de bêden is leech, sa meldt de asylsikersopfangorganisaasje COA.
Earder waard al bekend dat de nije opfanglokaasje op It Hearrenfean der net komt. By de oare Fryske opfanglokaasjes, yn Snits, Sint-Anne, Drachten en Balk, feroaret neat.