King felisitearret kening mei Abraham-pipermunt

It pipermuntsjemerk King fan Snits komt mei in spesjale edysje fan de bekende rol pipermunt. Dit fanwege de 50ste jierdei fan de kening op 27 april. De rollen wurde foar ien kear bedrukt mei de namme Abraham, omdat kening Willem-Alexander mei syn 50ste jierdei Abraham sjocht. De roltsjes pipermunt wurde tongersdei útdield yn Tilburg, dêr't de keninklike famylje dan op besite is.