Mear ûndersyk nei deadlik ûngelok achterútridende frachtwein

11 apr 2017 - 15:39
Foto: Omrop Fryslân, Joris Kalma

Der moat mear ûndersyk komme nei in ûngelok fan ferline jier yn Wilhelminaoord, doe't in frachtweinsjauffeur út Fryske Peallen in âldere frou dearied. Dat hat de rjochtbank yn Assen tiisdei útmakke.

Net sjoen

De frou rûn yn febrewaris ferline jier mei har hûntsje te kuierjen, doe't se skept waard troch de frachtwein mei oanhinger. Dy ried achterút it hiem fan in kwekerij ôf. De sjauffeur seit dat er de frou net sjoen hat. Mooglik rûn it slachtoffer krekt yn de deade hoeke.

Foto's

De rjochtbank wol mei plysje en ambulânsepersoniel prate oer wat sy oantroffen hawwe op it plak fan it ûngelok, en wol ek foto's sjen.

(Advertinsje)
(Advertinsje)