Gemeente Harns wol ekstra jeugdwurker oanstelle
De gemeente Harns wol tydlik in ekstra jeugdwurker oanlûke om it besteande jeugdteam te fersterkjen. Dat jeugdteam besiket op bygelyks skoallen en konsultaasjeburo's sa betiid mooglik problemen te sinjalearjen. Se rinne dêrby tsjin hieltyd kompleksere problemen oan yn gesinnen. Dat soarget foar in hege wurkdruk en foar wachtlisten foar bern dy't help nedich hawwe. Mei de ekstra jeugdwurker hoopje se ek mear oan previntive maatregels dwaan te kinnen.
