Darter Danny Noppert stunt by syn earste Grand Slam-duel

12 novimber 2016, 20:22 • 1 minút lêstiid

Danny Noppert © Omrop Fryslân, Mats Gies

Darter Danny Noppert fan De Jouwer hat sneon yn syn earste wedstriid op it Grand Slam of Darts toernoai yn Ingelân foar in grutte ferrassing soarge. De 25-jierrige darter fersloech mei 5-3 Mensur Suljovic út Eastenryk. Noppert stie mei 4-3 yn legs foar en smiet in belangrike 78-finish om de winst binnen te heljen.

Snein spilet Noppert syn twadde wedstriid tsjin fiiffâldich wrâldkampioen Raymond van Barneveld. It Grand Slam of Darts toernoai wurdt útstjoerd troch RTL7.