Liudger krijt Europeesk keurmerk twatalich ûnderwiis

De fêstiging fan Skoallemienskip Liudger oan de Raai yn Drachten krijt wer in Europeesk keurmerk foar syn twatalich ûnderwiis. In spesjale kommisje hat der tongersdei west en praat mei learlingen, âlden en dosinten. De kommisje wie ûnder de yndruk fan de kwaliteit fan de lessen yn it Ingelsk en fan it entûsjasme fan it ûnderwizend team fan de skoalle.