Gruttere tinte Glemmerbeach hat noch plak op freed

08 aug 2016 - 15:18

Der binne noch kaarten foar de freedtejûn fan it strânfestival Glemmerbeach, ein augustus op De Lemmer. Dat komt omdat de organisaasje yn oerlis mei de gemeente De Fryske Marren it festivalterrein grutter makke hat. Dêrtroch kin der in gruttere tinte delset wurde, dêr't mear minsken yn kinne. De organisaasje hat dat inisjatyf naam, omdat de freedtejûns al hiel gau útferkocht wie.

Op freed 26 augustus trede Marco Borsato, Twarres, De Kast en Liptease op. De tongersdeitejûns spilet ûnder oare Kensington en op de lêste jûn Miss Montreal.

Diel dit berjocht op:
(advertinsje)