Finalisten Sjongfestival foar bern 2016 bekend

19 apr 2016 - 12:23

Nei trije foarrondes binne de finalisten fan alwer it tsiende Sjongfestival foar bern bekend. Njoggentjin basisskoallen út Fryslân hawwe ôfrûne wike yn ien fan de foarrondes striden om in plakje yn de finale. Fan dy njoggentjin skoallen krije no acht de kâns om yn de finale harren sjongtalint hearre te litte. De finale wurdt op freed 20 maaie hâlden yn De Lawei yn Drachten.

Foarrondes

Oan it Sjongfestival foar bern kinne skoalbern út groep 6, 7 en 8 fan basisskoallen út Fryslân meidwaan. De trije foarrondes fûnen plak op moandei 11, tiisdei 12 en freed 15 april op ferskate plakken yn Fryslân. Neist de seis skoallen dy’t rjochtstreeks troch wienen nei de finale, binne hjoed yn it skoaltelefyzjeprogramma Tsjek ek noch twa ‘wylde kaarten’ ferdield oan skoallen dy’t neffens de sjuery ek sa goed wienen dat sy in plak yn de finale fertsjinje. De sjuery, dy’t bestie út Carin Seegers, Grytsje Melchers en Rodney Elzer liet de ûndersteande acht skoallen trochgean nei de finale.

Skoallen

De Balsemyn - Eastermar ‘Merke’
It Twaspan - Wynjewâld ‘Ik ha talint’
Ds. Hasperskoalle - Akkrum ‘Ien en Ien’
De Wyngert - Drachtsterkompenije ‘Keet!’
De Sprankel – Stiens ‘In hiele rare dei’
It Finster – Warkum ‘Mei juf mear muzyk’
De Mienskip – Bûtenpost ‘Do hearst der by!’
It Klimmerblêd - Sint-Nyk ‘Dyn talint is ús gelok’

Diel dit berjocht op:
(advertinsje)