Plysje hat sukses mei lokfyts

22 apr 2012 - 13:57

Mei it ynsetten fan in lokfyts hat de plysje sneontejûn fjouwer minsken oanhâlde kinnen yn Drachten. Op stapjûnen waarden geregeld fytsen stellen op De Kade. De lokfyts is sneontenacht twa kear stellen. De earste dief wie in man (21) fan Oerterp. Hy woe útnaaie, mar koe oanhâlden wurde. By de twadde stellerij wiene trije ynwenners (16, 17 en 20) út Marum belutsen. De plysje koe it trio op De Drift oanhâlde. Alle fjouwer ha in proses-ferbaal krigen. De plysje set de lokfyts faker yn om it tal stellerijen werom te bringen.

Trefwurden: 
Drachten plysje lokfyts
Diel dit berjocht op:
(advertinsje)