Plysje dielt 20 boeten út by brommerkontrôle yn Ljouwert
De plysje hat tongersdeitemiddei en -jûn in grutte brommerkontrôle hâlden yn Ljouwert. De kontrôle waard hâlden op ferskate plakken yn de stêd, nei oanlieding fan klachten fan omwenners. Sa'n 50 brommerriders waarden troch motorplysjes nei kontrôleposten brocht. Der binne 20 boeten útdield, de measte foar in te hege snelheid.
Trije eigeners moatte harren brommer op 'e nij keure litte, foar't se der wer mei op strjitte meie.
