Lichem fermiste Snitser jonge fûn yn Frankryk

01 okt 2015 - 10:31
De regionale krante Le Dauphiné Libéré berjochtet oer it kano-ûngelok

It stoflik omskot fan de 18-jierrige jonge út Snits, dy't op 20 septimber omkaam by in kano-ûngelok yn de Franske Ardèche, is tiisdei fûn. De jonge en syn 11-jierrich broerke kamen om, doe't harren kano omsloech. It lichem fan it 11-jierrige jonkje waard al gau fûn, mar nei it stoflik omskot fan de 18-jierrige is lang socht.

Hy is fûn by in kamping by Vallon Pont d'Arc, dat is hast 10 kilometer fan it plak dêr't it ûngelok bard is.

(advertinsje)
(advertinsje)