Takomst gebou Wyldemerk ûnwis
It is noch hieltyd net dúdlik wat der mei it gebou fan De Wyldemerk yn Harich barre sil. De opfang foar probleemjongeren is yn augustus ticht gien. In útspraak fan de Ried fan Steat hat earder útmakke dat der gjin nije aktiviteiten plakfine meie yn it gebou. Dêrneist is de eigner fan it kompleks, boubedriuw Midreth, fallyt gien.
Takom wike wurde de omwenners troch de direksje fan De Wyldemerk bypraat oer de stân fan saken.
