Twadde rekonstruksje ûngelok
De plysje hat freed wer in rekonstruksje makke fan in ûngelok op de Esdoornstrjitte yn Ljouwert. Dêr rekke yn maart in fytser dea nei't er oanriden wie troch in auto. Syn dochter dy't by him fytste, wie swier ferwûne. De bestjoerder hie dronken.
Ofrûne freedtejûn is neigien hoe't de auto reagearret as er mei ferskate faasjes de strjitte ynrydt. De omjouwing waard foar in part ôfset. Ein maart wie der ek al in rekonstruksje fan it ûngelok.
