KWS: Tunnel nei Starteilân

It Starteilân
De Koninklijke Watersportvereniging Sneek, KWS, wol foar fiif miljoen euro in tunnel oanlizze nei it Starteilân yn de Snitsermar. De KWS hat sûnt in jier in trainingssintrum op it starteilân. Mar minsken dy't dêrhinne wolle, moatte earst it drokke Prinses Margrietkanaal oerstekke.
It bedrach fan fiif miljoen euro soe mei opbrocht wurde moatte troch de provinsje, de gemeente en ûndernimmers. Dy profitearje der ek fan, fynt de KWS.