Problemen foar hobbytúnkers
It droege waar treft ek de hobby-túnkers op de Fryske folkstúnkompleksen. Der wurdt omraak sproeid om gewaaksen lykas jirpels, slaad en ierdbeien goed te hâlden. Want der moat letter dit jier ek noch wat te rispjen wêze. Op de túntsjes oan de Fjouwerhústerwei by Ljouwert wurde ek oare metoaden tapast om bygelyks jirpels te beskermjen. Sa wurdt de grûn tusken de plantsjes ôfdekt mei strie.
