Nije organisaasje Adventurerun
De stichting Sportpromotie Ameland en SV Friesland organisearje net mear mei-inoar de Ameland Adventurerun. Nei 7 jier sette se in punt achter de gearwurking. Dat hat neffens de organisatoaren te krijen mei it ferskil yn doelstellingen. Promotie Ameland sil de Adventurerun tenei organisearje mei de VVV, de gemeente It Amelân en eveneminteburo Caap3.
SV Friesland hat jierliks noch goed 50 hurdrineveneminten yn Noard-Nederlân op it programma.
