Marrit Leenstra al yn aksje
Marrit Leenstra fan Wikel komt sneon al yn aksje op it WK Ofstannen yn Inzell. Freed moast se har ôfmelde foar de 1500 meter fanwege de gryp. Se is noch net hielendal fit, neffens trainer Wopke de Vegt, mar sil om 12.00 oere dochs fan start gean op de 1000 meter.
Se rydt yn de njoggende rit tsjin de Dútse Judith Hesse. Yn de tsiende rit rydt Ireen Wüst, yn de alfde rit Margot Boer.
