Kamielen ûntsnapt yn Burgum
Yn Burgum is sneintemoarn jacht makke op sân kamielen. De bisten binne fan Circus Renz, mar oerwinterje yn Burgum yn it âld suvelfabryk. Dêr sit no it aktiviteitebedriuw Action Factory yn.
It is noch net dúdlik hoe't de kamielen ûntsnappe koene. De plysje melde dat de bisten troch de strjitten fan Burgum rûnen, mar koe al frij gau dêrnei sizze dat de bisten werom binne yn harren hok.
