Slutende begrutting SW-Fryslân
De nije Súdwesthoekegemeente start mei in slutende begrutting foar 2011, der is in posityf resultaat fan 3 ton. Dêrby is al rekken hâlden mei de kommende besunigings. De mearjierrerûzings foar 2012-2014 ha ek in posityf resultaat. Boppedat is der foar 1 miljoen romte foar nij belied.
Mei dizze begrutting kinne rinnende projekten út de âlde gemeenten útfierd wurde, lykas it opknappen fan in tal doarpshuzen. De nije gemeente hat in begrutting fan 193 miljoen euro.
