Skea troch brân yn Baard
In wenhûs oan de Mounewei yn Baard hat tongersdeitejûn in soad skea oprûn troch in fûle brân. It fjoer ûntstie op de begeane grûn fan it hûs. De brânwachtkorpsen fan Mantgum en Wommels koene net foarkomme dat it fjoer oersloech nei de boppeferdjipping. Dat kaam ek mei troch de hurde wyn.
De plysje hat de dyk in skoft ôfsletten fanwege de brân. Hoe't it fjoer krekt ûntstean koe, is net dúdlik.
