Sterkemanstriid Surhústerfean
Yn Surhústerfean wurdt takom jier july striden om de titel 'sterkste man fan Nederlân'. Dat wurdt op de lanlike televyzje útstjoerd. Oan 'e wedstriid dogge acht oant tsien manlju mei.
Fryslân wie twa kear earder it dekôr fan 'e striid om 'de sterkste man fan Nederlân'. Dat wie yn 1989 yn Hylpen en yn 1996 yn Snits. De earste edysje fan De Sterkste man fan Nederlân wie yn 1979.
