Goud foar De Jong op 5 km

Goud foar Bob de Jong op de 5 km (foto: Sportfoto.nl)
De iennichste gouden medalje foar Nederlân by de wrâldbekerwedstriden op It Hearrenfean is wûn troch Bob de Jong fan de BAM-ploech. Yn de lêste rit op de 5000 meter tsjin de Noarske stayer Havard Bokko sette hy in winnende tiid del fan 6.17.31.
De Rus Ivan Skobrev waard twadde yn 6.18.96. Wouter Olde Heuvel einige op in tredde plak yn 6.20.93. Bob de Vries waard fyfde, Jorrit Bergsma njoggende.