Hoop foar keten Wymbrits

10 novimber 2010, 14:49 • 1 minút lêstiid

(argyffoto)

Wymbritseradiel hat hoop oer de takomst fan de 15 jongereketen yn de gemeente. De Raad van State hat woansdei in útspraak dien oer in keet yn de gemeente Zwartwaterland. De keet is gjin yllegaal kafee, mar in ferlingstik fan de hûskeamer, sa stelt de Steatsried. De jongerekeet mei dus stean bliuwe.

Wymbritseradiel wachtet in rjochtsaak, oanspand troch Koninklike Horeca. De gemeente wol mei de jongeren nei de behanneling op 14 desimber.