De basketballers fan De Friesland Aris ha nei trije nederlagen wer in oerwinning behelle. Op it Kealledykje wûnen de Ljouwerters knap fan de nûmer twa ZZ Leiden. De einstân waard 76-72.
It earste kwart begûn wer hiel min en nei tsien minuten hie Leiden in 24-13 foarsprong. By rêst wie it al wer lyk en oant de einfaze bleau it spannend. Oant tritich sekonden foar tiid wie it noch 72-72, mar dêrnei rûn Aris út. Aris is no dield sânde mei seis punten út sân wedstriden.