Auke Coehoorn hat dit jier de "Lemster bokking" krigen. Dizze ûnderskieding wurdt útrikt oan ien dy't him fertsjinstlik makke hat foar Lemsterlân.
Coehoorn is de oanfierder fan in team fan frijwilligers dat him dwaande hâldt mei it ûnderhâld en de eksploitaasje fan de âlde Lemster aak, de LE 50. Dizze hûndert jier âlde aak is yn de begjin jierren njoggentich restaurearre en wurdt no simmerdeis brûkt foar fartochten.