Bou brede skoalle yn Wolvegea

Sa komt de nije brede skoalle der út te sjen
De bou fan de brede skoalle Lindewyk yn Wolvegea sil heal septimber los. Yn de skoalle is ûnder oare plak foar basisskoalle Tuindorp, in berneopfang en in bûtenskoalse opfang. De gemeente Weststellingwerf hat yn maart dik 3 miljoen beskikber steld foar de bou.
Op 1 septimber is der in ynformaasjegearkomste foar buertbewenners. Ein septimber wurdt úteinset mei de heiwurksumheden. De skoalle moat foar it skoaljier fan 2011-2012 klear wêze.