Wurk oan kaden bart letter

Troch besunigings sil Wetterskip Fryslân it projekt om wâlkanten en kaden yn Fryslân te ferbetterjen letter klear ha. Dat sei bestjoerslid Roel de Jong woansdei by de feestlike ôfsluting fan in projekt by de Tsjûkemar en de Tjonger. By de mar en neist de Tjonger binne plakken makke dy't brûkt wurde kinne as ekstra wetterberging.

Der soene folle mear wâlkanten en kaden oanpakt wurde moatte, mar dat kin dus wol tsien jier langer duorje.