FrieslandCampina fjirde plak

Op trije grutte Nederlânske bedriuwen nei hat suvelkonsern FrieslandCampina de bêste reputaasje ûnder Nederlânske konsuminten. Yn in ranglist fan de 30 grutste bedriuwen stiet Philips boppe-oan, folge troch de Rabobank en loftfeartbedriuw Air France-KLM.

FrieslandCampina stie ferline jier noch op plak trije, mar is sakke nei fjouwer. De reputaasjeranglist wurdt alle jierren gearstald út ûndersyk fan it Reputation Institute.