Mear kontrôle op motorriders
De plysje kontrolearret de kommende moannen ekstra op it rydgedrach fan motorriders. Dat beslút is naam omdat der de ôfrûne jierren in soad ûngelokken west hawwe dêr't motorriders by belutsen wiene. Foaral yn de maitiid, as se nei de winter foar it earst wer op en paad gean.
Neffens de plysje kinne ûngelokken foarkaam wurde as motorriders harren goed tariede. De plysje dielt dêrom njonken de snelheidskontrôles ek struibrieven út mei tips.
