Maraton natueriis S'fean

Surhústerfean hat woansdei de primeur mei de earste maraton op natueriis yn Fryslân. De KNSB hat dêr moandei tastimming foar jûn. De maraton wurdt organiseard troch de iisklup en it fytskomitee fan Surhústerfean. Der wurdt no alles oan dien om de grutte mannen oan de start te krijen. Mei man en macht wurdt der ek wurke oan de kondysje fan it iis. De wedstriid begjint woansdeitejûn om 7 oere.
Middeis is ek de Sintrumcross, in ynternasjonale fjildrit.