A6 De Lemmer-De Jouwer ticht

17 desimber 2009, 12:28 • 1 minút lêstiid

Op de A6 tusken De Jouwer en De Lemmer rekken 4 frachtauto's fan 'e dyk (foto's Stjoerder.nl)

De A6 fan De Lemmer nei De Jouwer wurdt tongersdeitemiddei in skoft ôfsletten. Der hat tongersdeitemoarn in ûngemak west mei in frachtwein. De frachtwein rekke fan 'e dyk, nei alle gedachten omdat de sjauffeur te hurd oer de glêde autodyk ried. De frachtwein wurdt mei in kraan fuorthelle.

It ferkear wurdt omlaat oer parkearterrein De Lanen by de Tsjûkemar. De A6 sil oant en mei 15.00 oere ticht wêze, sa is de ferwachting.