Twadde ferlies Hajé Flyers

4 desimber 2009, 23:40 • 1 minút lêstiid

De Flyers krigen fiif goals tsjin (foto: Martin de Jong)

De Hajé Flyers rûnen freedtejûn tsjin it twadde ferlies oan yn de nasjonale iishockeykompetysje. Yn Tilburch wiene de Destil Trappers mei 5-2 te sterk. De earste perioade wie foar de thúsploech: 2-0. Yn de twadde perioade kamen de Flyers sterk werom. Paul Vincent en Brent Patry soargen foar in 2-2 tuskenstân.

Yn de tredde perioade makke Tilburch dien wurk mei in 3-0 winst. Tilburch bliuwt koprinner, de Flyers stean op trije punten tredde.