Earste winst froulju It Fean
De fuotbalfroulju fan de Sportklup Hearrenfean ha de earste winst fan it seizoen helle. FC Twente waard op Sportpark Skoatterwâld mei 4-3 ferslein. De thúsploech naam troch Sylvia Smit (2x), Jorike Olde Loohuis en Lieke Martens in 4-0 foarsprong. It wiene de earste doelpunten dit seizoen fan de Feanster fuotbalsters.
FC Twente kaam nei de 4-0 achterstân sterk werom. Suzanne de Kort en twa kear Carola Winter brochten de einstân op 4-3.
