Natuer en toeristen op De Burd

Eilân De Burd by Grou krijt nêst in bestimming as natuergebiet in wichtige funksje as rekreaasjegebiet. Dêrfoar wurde by de werynrjochting fytspaden en in jachthaven oanlein.
Al 15 jier binne de provinsje en DLG (Dienst Landelijk Gebied) yn opdracht fan it Ryk dwaande mei plannen om fan eilân De Burd in natuergebiet te meitsjen. Dêrfoar moasten de feeboeren as oarspronklike bewenners har berop opjaan. Lânbougrûn moat plak meitsje foar wetter en natuer.