Elslo yn aksje foar doarpshûs
Elslo driget in spoekdoarp te wurden no't de gemeente in streek set troch it nije multyfunksjoneel sintrum. Dat seit Pleatslik Belang Elslo.
Yn it multyfunksjoneel sintrum soene it pjutteboartersplak en ferskate sportferienings komme. Der is jierren oan de plannen wurke, mar sûnt ferline wike wurket it kolleezje fan Eaststellingwerf der net mear oan mei. It doarp is bang foarsjennings te ferliezen omdat der gjin akkommodaasje is. It doarp riedt aksjes ta.
