Wurk oan 'e A7 by Snits
Automobilisten dy't tusken moandei en woansdei yn Snits komme, moatte rekken hâlde mei fertraging troch wurk oan 'e dyk. De provinsje wurket yn opdracht fan Rykswettersteat oan 'e A7 yn 'e Wetterpoartestêd.
Yn 'e dyk komme twa nije fiadukten. De lizzers dêrfoar wurde yn 'e nacht fan tiisdei op woansdei delsetten. Op de Lemmerwei yn Snits komt in brêge. Dy lizzers wurde yn de nacht fan moandei op tiisdei pleatst. Op beide diken is ien rydbaan beskikber.
