Jonge falt yn bouput Saailân
Yn Ljouwert is sneontenacht in jongeman slim ferwûne rekke trochdat er yn de bouput fan parkeargaraazje it Saailân fallen wie. Hoe't dat barre koe, is noch net dúdlik. De parkeargaraazje wurdt op it stuit ferboud en it terrein is ôfsletten mei stekken. Hoe't de jongeman dêr bydel komme koe, is net bekend.
De brânwacht hat him út de put helle, mei help fan in kraan. It slachtoffer is dêrnei nei it sikehûs yn Grins brocht.
