Ballonfeart fielt resesje net

Ballonbedriuw 'Loftsiler' fan 'e Jouwer hat wurk oant oktober ta
Ballonfeartbedriuwen hawwe dit jier mear te lijen fan it waar as fan de ekonomyske krisis. Want alhoewolt de measte bedriuwen op it stuit genôch klanten ha om de ballonnen de loft yn te hâlden, moatte gauris boekings annulearre wurde troch it waar.
Earder dit jier like it der noch op dat ek de ballonfeart grutte finansjele klappen krije soe. Mar foaral de ôfrûne moannen is it oantal boekings wer tanaam, mar it waar wurket net echt mei.