Ynternasjonale útwiksel FYK

30 july 2009, 16:48 • 1 minút lêstiid

Neffens dizze Sloveen binne de Friezen hielendal gjin minderheid...

In groep bûtenlânske jongeren dy't in taalminderheid yn harren eigen lân binne, sjogge dizze wike hoe't yn Fryslân mei de taal omgien wurdt. It Frysk Ynternasjonaal Kontakt FYK organisearret de útwiksel dêr't goed 30 jongeren oan mei dogge.

Se ha al in kursus keatsen hân en binne yn de kunde kommen mei bearenburch. Se ha ek by de Fryske media sjoen. Oan de útwiksel wurdt meidien troch û.o. Kasjoeben, Bretonnen en Slovenen út Eastenryk.