Trio Tolsma wint Seisbierrum
It partoer fan Hendrik Tolsma, Michel van der Veen en Johannes Boersma hat sneon de frije formaasjepartij keatsen yn Seisbierrum wûn. Sy wûnen op 5-3 en 6-2 fan it partoer Gert-Anne van der Bos, Folkert van der Wei en Daniël Iseger.
It wie in ferrassende oerwinning fan dit earsteklasse partoer op dizze frije formaasjepartij fan de haadklassers. Hendrik Tolsma waard útroppen ta kening op dizze knappe keatsdei.
