Snits en De Jouwer ferlieze
It wie in min wykein foar de Fryske sneinshaadklassers. Snits Wyt Swart ferlear yn Groesbeek mei 3-0 fan De Treffers. Nettsjinsteande it ferlies binne de Snitsers frij fan degradaasjesoargen.
De Jouwer ferlear op it eigen fjild mei 2-0 fan Quick '20 út Oldenzaal. De Jouwer hie him al earder feilich spile. Takom wike snein wurdt de kompetysje ôfsletten mei de wedstriden Snits Wyt Swart-WKE en Lienden-Sportklup De Jouwer.