De Jouwer wint fan Germania

23 april 2009, 21:40 • 1 minút lêstiid

Shutlan Axwijk tekene foar de Jouster produksje (foto Martin de Jong)

Keeper Hessel Altenburg fan De Jouwer (foto: Martin de Jong)

Sneinshaadklasser De Jouwer hat tongersdei in belangrike oerwinning helle. Tsjin Germania yn Groesbeek waard troch in doelpunt fan Shutlan Axwijk mei 1-0 wûn. De Jouwer spile nei tsien minuten troch in reade kaart fan Björn Schilder al mei tsien man. Op slach fan rêst krige Boy Seijkens fan Germania ek read.

Yn de twadde helte koe De Jouwer troch goed keeperswurk fan Hessel Altenburg de winst fêsthâlde. De Jouwer is der no hast wis fan dat it net degradearret.