IFKS: kontakt mei nije sponsor
It bestjoer fan skûtsje-organisaasje IFKS besiket mei in nije sponsor it driigjende tekoart op de begrutting op te fangen. Omdat der minder ynskriuwings binne foar de bedriuwekompetysje, komt der dit jier mooglik sa'n 20.000 euro minder binnen.
Neffens it bestjoer is der yntusken in bedriuw fûn dat belangstelling hat foar sponsoring. Ek wurdt besocht om mear leden te krijen.
