Jonges stelle 40 fytsen
De plysje hat mei de oanhâlding fan fjouwer jonges fan tusken de 13 en 17 jier út Oranjewâld, Aldskoat en It Hearrenfean 40 fyts-stellerijen oplost. Tagelyk kamen 13 nammen fan mooglike helers nei foaren. De measte fytsen waarden stellen by it NS-stasjon en yn it sintrum fan It Hearrenfean.
De jonges brûkten in saneamde blanko kaai dy't paste op frouljusfytsen fan de merken Gazelle en Batavus. Der binne úteinlik mar 6 fytsen weromfûn.