Lânskipsbehear mear ynsette
Lânskipsbehear moat mear behelle wurde yn it betinken fan grutte ynfrastrukturele plannen yn Fryslân. Troch oan te skowen oan de tekentafel fan projekten as de Heak om Ljouwert kinne bettere oplossings betocht wurde om it lânskip te behâlden. No komt de organisaasje pas yn byld as in dyk of yndustryterrein al klear is.
By in sympoasium op it 25-jierrich jubileum spruts direkteur Regina ter Steege de winsk út om mear sizzenskip te krijen by provinsje en gemeenten.
