DVC en NHL begjinne bedriuw

In unike gearwurking tusken de Dokkumer Vlaggen Centrale en de Noardlike Hegeskoalle Ljouwert. Mei jild fan de flaggemakker krije studinten fan de NHL takom jier de kâns om in eigen bedriuw op te setten.
It bedriuw mei de namme Budget Flag ferkeapet op ynternet goedkeape flaggen út Sina. Dy wurde makke by fabriken dêr't DVC ek in oandiel yn hat. Nea earder koene studinten op sa'n profesjonele wize in eigen bedriuw runne.